waalaikum salam, samantara alum ada orang yang mamabari komen tantang soalan sidayang, kasian jua ku ..baik tah aku sadikit sabanyak mambari pandangan (dari sudut pandangan sendiri..personnel comment) tidak ada sangkut paut dengan mana2 fatwa atau ajaran2 ugama katani.
1. Taruskan saja minat si dayang atu, ianya sangat mancabar dan inda banyak bini2 macam sidayang dapat di itung dangan jari....tahniah...yang panting nya disini dang NAWAITU>>>..niat sidayang yang bersih untuk melihat keajaiban ciptaan yang maha kuasa, dan untuk bersukan menyihatkan tubuh badan sidayang.
2. Yang panting nya sidayang mesti manutup aurat saperti yang telah di persyaratkan didalam ugama katani.
3. Kalau ada marsama muhrim sidayang lagi baik, akan tatapi kalau pun indada muhrim sidayang yang MINAT , cukup tah saja ada bini2 lain yang bersama mandangani.
4. Kalau mama sidayang inda barapa satuju akan kegemaran si dayang atu...barang kali ia takut anak kasayangan nya tagugurkah...atau pun tagalinchirkah atau pun dipatuk ularkah, dan bermacam2 lagi yang di takutinya ...almaalom lah dang kan ia mama sidayang masti tah ia takut sasuatu yang inda diinginkan tarjadi arah sidayang...pasalatu tah kali ia inda megalakan atau inada mayuruh. Akan tatapi kalau sidayang manarangkan dengan satarang-tarang nya atau sajelas-jelasnya dengan ber lamah lambut, bersopan santun ...dan waktu ia baik mood ..jangan susah ati masti DIBANARKANNYA TU....SEKIAN WASALLAM..kalau ada perkataan yang terkasar dan kurang supan maafkan saja.inda di senghajakan...dan lagi bahasa yang ku gunakan bercampur (bahasa biasa dan dailog kabarunaian)...t.kasih.